Davvisámegiella (nordsamiska)
Nuoraid- ja siviilaservodaga eiseváldi lea stáhtalaš eiseváldi mii váldá ovdan ja gaskkusta máhtu nuoraid eallindili ja siiviilaservodaga eavttuid. Mii juohkit almmolaš doarjagiid mat addet stuora ja smávva organisašuvnnaide vejolašvuođa jođihit doaimmaid. Min riikkaidgaskasaš searvevuohta addá nuorra olbmuide vejolašvuođa bargat eaktodáhtolaččat, studeret dahje hárjehallat eará eurohpálaš riikkas.
MUCF lea nationála kontuvra Eo-prográmmaide Erasmus+ Ja Eurohpálaš solidaritehtakorpsii.
Siviilaservodatpolitihkka
Mihttu ruoŧa servodatpolitihkain lea buoridit siviila servodaga eavttuid leat guovddáš oassin demokratiijas. Dát galgá dahkkot gulahallamis siviilaservodatorganisašuvnnaiguin.
Min bargogohččumat bohtet ráđđehusas, ja mii raporteret nai ruovttoluotta sidjiide movt min bargguin lea mannan. Áigodagas 2022-2024 bargat mii earenoamážit:
• eanet máhtu almmolaš aktevrrain siviilaservodaga eavttuid, rolla ja árvoháhkama birra.
• eanet čanus, ovttastahttin ja rabasvuohta almmolaš aktevrraid doarjjajuohkimiin.
• Ahte ovttasbargoproseassat almmolaš aktevrraid gaskkas buorránit, vai siviilaservodat sáhttá eambbo fátmmastuvvot mielde.
Nuoraidpolitihkka
Ruoŧa nuoraidpolitihkalaš ulbmil lea ahte buot nuorain galget buorit eallineavttut, ieža nagodit hábmet iežaset eallimiid ja váikkuhit servodatovdáneapmái.
Min bargogohččumat bohtet ráđđehusas, ja mii raporteret nai ruovttoluotta sidjiide movt min bargguin lea mannan. Áigodagas 2022-2024 bargat mii earenoamážit:
• lasihit sosiála searvadahttima ja eanet nuoraid oažžut bargo- ja servodateallimii.
• lasihit nuorain gávdnojit eanet miellagiddevaš ja movttiidahtti astoáiggedoaimmat.
• Unnidit erohusaid nuoraid ahtanuššamis ja birgenlágis.
• lasihit psyhkalaš dearvvašvuođa nuoraid gaskkas.
Váldde minguin oktavuođa
Don leat álohii bures boahtin váldit oktavuođa MUCF:in. Min kontuvra lea Växjöas, ja min gávnnat álkimusat:
• E-posta info@mucf.se
• Telefovdna: 010-160 10 00
Buot dieđut mat bohtet MUCF:ii šaddet almmolaš dokumeantan maid ovttaskasolbmuin ja medias lea vuoigatvuohta oažžut oaidnit. Ovdalgo almmolaš dokumeanta luvvejuvvo, de árvvoštallo leat go makkárge dieđut mat gullet jávohisgeatnegasvuođa vuollái.
Jus háliidat gáibidit geahčadit almmolaš dokumeantta, de sáhtát váldit oktavuođa registráhtoriin registrator@mucf.se dahje čuojahit telefovdnanummarii 010-160 10 00.